Николо Дзаньоло "Астон Вилла"га ўтишга яқин турибди.
Журналист Альфредо Педулланинг сўзларига кўра, "Астон Вилла" душанба куни Дзаньоло шартномасини ёпиш ниятида. "Галатасарой" ярим ҳимоячининг трансферига рози бўлди ва клублар ҳозирда тўлов тузилмаси устида ишламоқда. Дзаньолонинг ижараси "Астон Вилла"га 3 млн еврога тушиши кутилмоқда. Келишув якунига кўра клуб футболчини 20+7 миллион еврога сотиб олиш ҳуқуқига эга бўлади. Тўлиқ трансфер амалга оширилган тақдирда Дзаньоло "Астон Вилла" билан 5 йиллик шартнома имзолайди.
Унаи Эмери италияликнинг "Астон Вилла"га ўтишига қизиқиш билдирмоқда. Николога футболчига "Зенит" ҳам қизиқиш билдирган ва у "Галатасарой"га анча каттароқ сумма таклиф қилган - маълум бўлишича, петербургликлар 35 миллион евро таклиф қилган.
