«Бавария» бош директори Ян-Кристиан Дрезен Харри Кейн худди  Роберт Левандовски каби муваффақиятга эриша олишига ишонмоқда.

«Музокаралар жуда узоқ давом этди, бироқ ҳаммаси яхши бўлганидан хурсандмиз. Унинг футбол маҳорати клубимизнинг эҳтиёжлари ва генетикасига жуда мос келади.

Бундай савиядаги марказий ҳужумчилар клубни доимо муваффақиятга етаклаб келган. Ишончим комилки, Кейн бу анъаналарни давом эттиради.

Мухлислар Левандовски муваффақиятининг такрорини интиқлик билан кутишлари мумкин», дея Дрезеннинг сўзларидан иқтибос келтирган Италиянинг ITASportPress ахборот агентлиги.