"Барселона" президентининг маслаҳатчиси "Хетафе"нинг ўйинини ва ўйиндаги ҳакамликни қаттиқ танқид қилди.
Ла Лига ўйинининг биринчи бўлимида (0:0) "Барселога" вингери Рафинья Альваресни тирсаги билан зарба бергани учун четлатилган бўлса, иккинчи бўлимда эса "Хетафе" ҳужумчиси Хайме Мата қизил карточка олди. "Барселона" бош мураббийи Хави ҳам иккинчи бўлимда ҳакамлар билан тортишгани учун бош ҳакам Сезар Сото Градодан қизил карточка олди. Умумий ҳисобда ўйин вақтига 19 дақиқа қўшиб берилди ва “Барселона” футболчилари рақибни вақтни кечиктирганликда айблашди.
"Бу шармандалик эди. Бизда яхши футбол ва томошани яхши кўрадиганлар хафа бўлишди ва жаҳли чиқди.
Вақтни қоплаш ғояси муваффақиятсиз. Доимий абсурд ва провокацион фоллар бўлиб турди.
Ҳаммаси шу руҳда давом этса, футбол барбод бўлади. Яхши ўйинчилар муаммога дуч келишади, ёғоч ишлаб чиқарувчилар эса ғалаба қозонишади" - деб ёзди Жоан Лапортанинг маслаҳатчиси Энрик Масип ижтимоий тармоқда.
