Хабарингиз бор, бир неча ой аввал таниқли футбол ҳаками Вадим Агишев ҳакамлик соҳасидаги фаолиятига якун ясаган эди.
Бугун, 14 август куни жорий мавсумда ҳакамликдаги фаолиятини якунлаган вакилларимиз сони 4 тага етди.
Футбол оммасига яхши таниш бўлган 3 нафар ҳакам — Дамир Искендеров, Жалгасбай Сарсенов ҳамда Бектурсин Канназаров ҳакамликни тугатишга қарор қилди. Уларнинг ҳар бирига миллий зарчопон ҳамда эсдалик совғалари топширилди.
"Уларнинг ҳар бирига футбол ҳакамлигидаги хизматлари учун ташаккур айтган ҳолда келгусидаги ишларига ривож тилаб қоламиз" - дейилади Ўзбекистон футбол ҳакамлари марказининг расмий баёнотида.
