Йилдан йилга сайёрамизнинг энг зўр истеъдодлари Премер-лигага оқиб келади. Баъзи клублар бундай ўйинчилар учун катта маблағ беришса, баъзилари уларни ўзлари етиштиришади. Бу ёз ҳам бундан мустасно эмас эди: "Челси" яна ёшларни сотиб олди. Бугун мавсумда порлаши кутилаётган ёшлар ҳақида гаплашамиз.
Барт Вербругген, 20 ёш, дарвозабон, “Брайтон”
“Брайтон” Роберт Санчесни "Челси"га қўйиб юборишди ва Вербруггенни 20 миллион еврога олишди.
Нидерландиялик футболчи ўтган мавсумда кучли ўйнади ва ёзги Евро У-21да терма жамоасининг асосий дарвозабони бўлди. Англияда Барт Жейсон Стилдан рақобатда ғалаба қозониши керак бўлади, аммо у бегона эмас “Андерлехт”да ҳам худди шундай ҳолат бўлган. Барт оёқлари билан ажойиб ва Де Зербининг услубига жуда мос келади. Мослашувдан сўнг у мавсумнинг кашфиётларидан бирига айланиши керак.
Дестини Удожи, 20 ёш, чап қанот ҳимоячиси, "Тоттенхэм"
Италиялик футболчи ўтган ёзда шартнома имзолаган, бироқ "Удинезе"га бир йилга кетганди. Учта гол ва тўртта голли узатма билан бир мавсумдан сўнг Дестини янги мураббий билан “Тоттенхэм”га келди.
Анжелос Постекоглу жамоаларида қанот ҳимоячилари ҳужумга ўтишади. "Удинезе"да италиялик бутун чизиқ бўйлаб ишлади, Англияда у кўпроқ эркинликка эга бўлади ва тўпни ҳаракатлантиришга эътибор қаратади. "Тоттенхэм" ниҳоят ҳимоянинг чап қанотида сифатли футболчи топди.
Леви Колвилл, 20 ёш, марказий ҳимоячи, “Челси”
Леви "Брайтон"да ижарада бўлганидан кейин "Челси"да қолишга иккиланган эди. Маурисио Почеттино мавсумолди вақтида ҳимоячига имконият берди ва уни қолишга ишонтирди. Леви шартномасини 2029 йилгача узайтирди ва клуб афсонасига айланишни истаётганини айтди. Юқори рақобатга қарамай, Колвилл ўйнади ва катта ўйинчига айланади. "Ливерпуль" билан ўйинда у асосий таркибда эди.
Кобби Майну, 18 ёш, ҳимоячи ярим ҳимоячи, "Манчестер Юнайтед"
Кобби академиядан чиққан. Жамоа билан гастролларга чиқди ва ўзини кўрсатди. Эрик тен Хаг ҳатто "Реал" билан ўйинда ярим ҳимоячини майдонга туширди, бироқ Майну жиддий жароҳат олди. Кўплаб клублар ярим ҳимоячини ижарага олмоқчи эди, аммо "Манчестер Юнайтед" бу иқтидорни сақлаб қолишга қарор қилди.
Майну қўллаб-қувватлаш зонасида ўйнайди, тўпни олдинга узатади ва ҳимояда ишлайди. Мухлислар Коббини Пол Погба билан солиштиришади, аммо вундеркинд янада тез ўйнайди ва тез-тез босим ўтказади.
Жароҳати туфайли Кобби мавсумнинг илк ойларини ўтказиб юборади. Эрик тен Хаг унга ишонади, шунинг учун тикланишдан кейин ярим ҳимоячи имкониятга эга бўлади.
Расмус Хойлунд, 20 ёш, ҳужумчи, “Манчестер Юнайтед”
Манчестерда, энди скандинавиялик ҳужумчилар дербиси Холанд ва Хойлунд бор. 19 ёшли даниялик бир ярим йил олдин Австриянинг "Штурм" клубида ўйнаган, энди эса "Олд Траффорд"да.
Премьер-лигадаги муваффақият учун Расмусда ҳамма нарса бор - тезлик, физика, якунийлик. “Аталанта” ҳужумчини жароҳати билан Манчестерга жўнатган, шу боис дебют ҳозирча қолдирилди. Расмус тикланишдан сўнг, албатта, ўзини кўрсатади ва жорий мавсумда "гол+пас" тизимида 10 очкодан кўпроқ тўплаши керак.
