Каталониянинг “Барселона” клуби “Манчестер Сити”нинг ўнг қанот ҳимоячиси Жоау Канселуни қўлга киритиш йўлини излашда давом этмоқда. Mundo Deportivo хабарига кўра, "кўк-анорранглилар" молиявий фейр-плей қоидаларини бузмаган ҳолда "шаҳарликлар"нинг эҳтиёжларини қондириш учун мукаммал формулани қидирмоқда.
"Барселона" Канселуни сотиб олиш имконияти билан ижарага олмоқчи. "Манчестер Сити" бундай келишувга тайёр, чунки Жоау бош мураббий Хосеп Гвардиоланинг режаларига киритилмаган. Шунга қарамай, "шаҳарликлар" ўзлари учун энг қулай шартларда битим тузмоқчи.
Аввалроқ, Лондоннинг "Арсенал" клуби Канселу учун курашга қўшилиши мумкинлиги ҳақида хабар берилганди, аммо бунинг учун "канонирлар" биринчи навбатда Киран Тирнини сотиши керак.
