Kataloniyaning “Barselona” klubi “Manchester Siti”ning o‘ng qanot himoyachisi Joau Kanseluni qo‘lga kiritish yo‘lini izlashda davom etmoqda. Mundo Deportivo xabariga ko‘ra, "ko‘k-anorranglilar" moliyaviy feyr-pley qoidalarini buzmagan holda "shaharliklar"ning ehtiyojlarini qondirish uchun mukammal formulani qidirmoqda.
"Barselona" Kanseluni sotib olish imkoniyati bilan ijaraga olmoqchi. "Manchester Siti" bunday kelishuvga tayyor, chunki Joau bosh murabbiy Xosep Gvardiolaning rejalariga kiritilmagan. Shunga qaramay, "shaharliklar" o‘zlari uchun eng qulay shartlarda bitim tuzmoqchi.
Avvalroq, Londonning "Arsenal" klubi Kanselu uchun kurashga qo‘shilishi mumkinligi haqida xabar berilgandi, ammo buning uchun "kanonirlar" birinchi navbatda Kiran Tirnini sotishi kerak.
