Туриннинг “Ювентус” клуби марказий ҳимоячиси ва сардори Леонардо Бонуччи яқин кунларда Италия А Сериясининг бошқа клубига ўтиши мумкин. Журналист Николо Скира хабарига кўра, футболчи ўз хизматларини Римнинг “Лацио” клубига таклиф қилган.
Хабар қилинишича, клуб президенти Клаудио Лотито ўйлашга вақт сўраган. “Лацио” 36 ёшли ҳимоячини жамоага олиб келишга шубҳа қилмоқда, бироқ айни пайтда бундай тажрибали Бонуччи жамоанинг янги мавсумдаги мақсадларига эришишига ёрдам бериши мумкин.
Эслатиб ўтамиз, “Лацио” ўтган мавсум А Серияда иккинчи ўринни эгаллаб, Чемпионлар Лигаси йўлланмасини қўлга киритганди. "Ювентус" бу мавсумда еврокубокларда ўйнамайди.
