Turinning “Yuventus” klubi markaziy himoyachisi va sardori Leonardo Bonuchchi yaqin kunlarda Italiya A Seriyasining boshqa klubiga o‘tishi mumkin. Jurnalist Nikolo Skira xabariga ko‘ra, futbolchi o‘z xizmatlarini Rimning “Lasio” klubiga taklif qilgan.
Xabar qilinishicha, klub prezidenti Klaudio Lotito o‘ylashga vaqt so‘ragan. “Lasio” 36 yoshli himoyachini jamoaga olib kelishga shubha qilmoqda, biroq ayni paytda bunday tajribali Bonuchchi jamoaning yangi mavsumdagi maqsadlariga erishishiga yordam berishi mumkin.
Eslatib o‘tamiz, “Lasio” o‘tgan mavsum A Seriyada ikkinchi o‘rinni egallab, Chempionlar Ligasi yo‘llanmasini qo‘lga kiritgandi. "Yuventus" bu mavsumda yevrokuboklarda o‘ynamaydi.













