"Интер Маями" бош мураббийи Херардо Мартино ҳужумчи Лионель Мессининг жароҳати ҳақидаги миш-мишларга муносабат билдирди. Матбуотда 36 ёшли аргентиналик футболчининг "Филадельфия"га қарши Лига кубоги 1/4 финали ўйини арафасида оёғини қайириб олгани ҳақида хабарлар тарқалган эди.

“Мен машғулотларнинг бир қисмида бўлдим, чунки ўшанда муҳим учрашувим бор эди. Агар бирор жиддий воқеа юз берса, ҳамма ҳайратда қолади. Бироқ, ҳаммаси жойида эди. Шунинг учун, мен ҳеч қандай даҳшатли нарса бўлмаганига аминман", - дея хабар беради Goal.com портали мутахассиснинг сўзларини.

Месси шу ёзда "Интер Маями"га ўтди ва 2025 йил охиригача шартнома имзолади. Жамоа учун бешта ўйинда ҳужумчи саккизта гол урди.