Инсайдер Фабрицио Романо ўзининг ижтимоий тармоқларида «Лутон Таун» «Норвич Сити» билан 35 ёшли дарвозабон Тим Крулнинг трансфери борасида келишиб олгани ҳақида хабар берди.

Дарвозабоннинг ўзи ҳам Премьер-лига клуби билан бўлажак шартнома борасида келишиб олган.

Бугун, 15 август куни Крул «Лутон Таун»да тиббий кўрикдан ўтади ва шундан сўнг трансфер расман эълон қилинади.

Эслатиб ўтамиз, «Лутон Таун» бу мавсумда Премьер-лигага қайтди. Жамоа биринчи турда «Брайтон»га имкониятни бой берганди – 1:4.