«ПСЖ» клуб афсонаси Неймарга миннатдорчилик билдирди», - деган хабар клуб сайти саҳифаларида пайдо бўлди.

Лига 1 гранди олти мавсумдан сўнг бразилиялик билан хайрлашгани билдирилди. Хабарингиз бор, Неймарнинг трансфери Саудиянинг «Ал-Ҳилол» клуби томонидан элон қилинган эди.

Пост охирида «ПСЖ» президенти Носир ал-Хелайфийнинг сўзлари келтирилган.

«Дунёнинг энг яхшиларидан бири бўлган Неймар каби буюк футболчи билан хайрлашиш ҳар доим қийин.

Унинг «ПСЖ»га келган кунини ва клубимиз учун олти йил давомида қилган ишларини ҳеч қачон унутмайман.

Неймар ҳар доим тарихимизнинг бир қисми бўлиб қолади. Неймар ва унинг оиласига раҳмат айтмоқчиман. Биз унга келажаги ва кейинги саргузаштлари учун энг яхши тилакларни тилаймиз», деди ал-Хелайфий.