Томас Тухель "Бавария"ни таянч ярим ҳимоячини сотиб олишга ундамоқда.
Bayern & Germany порталининг ёзишича, мюнхенликлар бош мураббийининг талаби раҳбариятни ҳам, футболчиларни ҳам ғазаблантирмоқда.
Жошуа Киммих ярим ҳимояда таянч позициясида ўйнашни хоҳлайди, аммо Тухель уни "саккизлик" сифатида кўради. Айни дамда мураббийлар штаби ҳаддан ташқари кўп хатоларга йўл қўядиган ярим ҳимоячидан норози. 49 ёшли мутахассис Киммих билан суҳбатда жамоа ўйинини секинлаштираётганини айтди.
Бундеслиганинг 2022/23 йилги мавсумида ярим ҳимоячи 33 та ўйинда майдонга тушиб, 5 та гол урган.
