"Интер Майами" Лига кубоги ярим финалида "Филаделфия" жамоаси устидан 4:1 ҳисобида ғалаба қозонди.
Учрашувнинг 20-дақиқасида ҳужумчи Лионель Месси гол урди. Аргентиналик футболчи Америка жамоаси сафида ўзининг тўққизинчи голини киритди. Шу тариқа, Месси “Интер Майами” тарихидаги энг яхши тўпурарлар рўйхатида клуб учун саккизта гол урган ярим ҳимоячи Роберт Тэйлорни ортда қолдириб, яққол учинчи ўринга кўтарилди.
Эслатиб ўтамиз, Лионель Месси ёзги трансфер ойнасида "Интер Майами"га ўтган эди. Аввалроқ футболчи Франциянинг «ПСЖ» ва Каталониянинг «Барселона» клубларида тўп тепган.
