«Ливерпуль» «Бавария» ярим ҳимоячиси Райан Гравенберхни сотиб олмоқчи.
Foot Mercato журналисти Санти Аунанинг сўзларига кўра, бу ҳафта «қизиллар» 21 ёшли футболчини қўлга киритиш учун фаол ҳаракат қила бошлади.
Нидерландияликнинг агенти билан музокаралар олиб борилмоқда. Футболчи фаолиятини Премьер-лигада давом эттиришга тайёр.
Июль ойи бошида «Ливерпуль» Гравенберх учун курашни тарк этгани ҳақида хабар берилганди.
Ярим ҳимоячи 2022 йилнинг ёзида «Аякс»дан «Бавария»га ўтган эди. Шартнома 2027 йил 30 июнгача амал қилади. Футболчи 30 миллион еврога баҳоланмоқда.
2022/23 йилги мавсумда Гравенберх барча мусобақаларда 33 та ўйинда майдонга тушиб, 1 та гол урди ва 1 та голли узатмани амалга оширди.
