15 август куни «Ал-Ҳилол» Неймар билан шартнома имзолади, шартнома икки йилга мўлжалланган.

«ПСЖ» 31 ёшли бразилияликнинг трансфери учун 90 дан 120 миллион еврогача (бонуслар билан бирга) олади.

Бу келишув Париж клуби тарихидаги рекорд бўлди. Ушбу трансфер Неймарни ўз фаолияти давомида энг кўп пул тўланган футболчилар рўйхатида биринчи ўринга қўйди.

Бразилиялик футболчи 2017 йилда парижликларга 222 миллион еврога тушганди. Аввалроқ «Барселона» ҳужумчини «Сантос»дан 88 миллион еврога сотиб олганди.

Унинг бутун фаолияти давомидаги трансферларнинг умумий суммаси 400 миллион еврони ташкил қилган.

Аввалроқ бу рейтингда «Челси» ҳужумчиси Ромелу Лукаку пешқадам бўлганди, унинг учун жами 333,36 миллион евро тўланган. Энди у 2-қаторда.

Трансферлар бўйича энг қиммат футболчилар учлигини «Ан-Наср»нинг португалиялик 38 ёшли ҳужумчиси Криштиану Роналду ёпди - 247 миллион евро.