Истанбулнинг «Бешиктош» клуби косоволик ўнг қанот ҳимоячиси Милот Рашицани ўз сафига қўшиб олди.

Бу ҳақда нуфузли Transfermarkt портали хабар бермоқда, футболчининг «бургутлар» билан келишув шартлари ҳозирча ошкор этилмаган.

Бунгача 27 ёшли ҳужумкор футболчига бўлган ҳуқуқ Англия чемпионатининг «Норвич» клубига тегишли эди.

Рашица «канарейкалар» сафига 2021 йилнинг ёзида «Вердер»дан қўшилган эди. 

Қайд этиш керакки, косовалик ўтган мавсумни Истанбулда ўтказган бўлсада, Туркиянинг бошқа топ-клуби – «Галатасарой»да ҳам ўйнаган. «Шерлар» таркибида у мамлакат чемпионига айланди. 30та расмий учрашувда 6та гол урди ва 7та голли узатмани амалга оширди.