"Ал-Ҳилол"нинг янги футболчиси Неймар "ПСЖ"даги собиқ жамоадоши Марко Верраттани кўндириб, Саудия чемпионатида ҳам бирга ўйнашни таклиф қилмоқда, дея хабар бермоқда RMC Sport нашри.
30 ёшли футболчига расмий таклиф аллақачон тушган. Аввалроқ, "Ал-Ҳилол" ярим ҳимоячи учун 45 миллион евро тўлашга тайёр, "ПСЖ" эса яна 5-15 миллион евро талаб қилгани ҳақида маълумотлар пайдо бўлганди.
Верратти парижликлар сафида 2012 йилда "Пескара"дан кўчиб ўтганидан бери ўйнаб келмоқда.
Жамоа билан бирга 9 марта Франция чемпиони бўлган, 6 марта Франция кубоги ва лига кубоги, шунингдек, 9 марта мамлакат Суперкубогини қўлга киритган.
