Голлар серияси!
Месси "Интер Майами"да супер сермаҳсуллик кўрсатишда давом этмоқда. Жамоага ёзда келиб қўшилган мегаюлдузга 6 та ўйин клуб тарихидаги энг яхши тўпурарлар учлигига киришга етарли бўлди! Аргентиналик ҳужумчи рўйхатда биринчи бўлиш учун кимларни ортда қолдириши керак?
3-ўрин
"Интер Майами"да ўтказилган олтита ўйинда Лео тўққизта гол урди. Ҳозирда аргентиналик форвард клуб тўпурарлар рўйхатида Хосеф Мартинес (30 та ўйинда - 9 та гол) ва Роберт Тэйлор (66 ўйинда - 9 та гол) билан учинчи ўринни бўлишиб турибди.
2-ўрин
Тўпурарлар орасида иккинчи ўринда Леонардо Кампана. 23 ёшли футболчи “Интер Майами” сафида ўтказган 52 ўйинида рақиблари дарвозасига 16 та гол уришга эришган.
1-ўрин.
"Интер Майами"нинг энг яхши тўпурари - Гонсало Игуаин. Аргентиналик футболчи клуб сафида 70та ўйинда 29та гол урган. У кучли учликдан ҳозирда Флорида жамоаси учун ўйнамайдиган ягона футболчи ҳисобланади. Қолганлар Лео билан биргаликда голлари сонини ошириши мумкин.
