«Бавария» бош мураббийи Томас Тухель жамоасининг янги дарвозабонни трансфер қилиш режалари ҳақида гапирди.
Эслатиб ўтамиз, аввалроқ Мануэль Нойер кутилганидан тезроқ тузалиб кетиши маълум бўлганди.
«Бизда яхши хабар бор: Мануэлнинг сўнгги операцияси жуда ижобий таъсир кўрсатди. Жамоа билан машғулотларга қайтишдан олдин у вақтни сезиларли даражада қисқартирди.
Мен унинг сўнгги икки кун давомида машғулот ўтказаётганини кўрдим. Кўрганларим жуда таъсирли эди. У яқин ҳафталарда жамоа машғулотларига қайтишини кутамиз. Бу бизнинг режаларимизни ўзгартирди. Ульрайх яхши ишлаяпти, лекин биз ҳали ҳам ечим излаяпмиз, аммо исмларни ошкор қилмайман», деди Тухель матбуот анжуманида.
