«Специя» ҳимоячиси Эмиль Хольм клубини ўзгартиришга яқин турибди, бу ҳақда инсайдер Николо Скира ижтимоий тармоқлар орқали маълум қилди.
Манбага кўра, швециялик футболчининг хизматларига Италиянинг яна бир жамоаси «Аталанта» қизиқиш билдирмоқда.
Бергамо клуби скандинавиялик футболчини ўн миллион еврога қайтариб сотиб олиш ҳуқуқи билан ижарага олади. Хольм билан тўрт йиллик шартнома имзолаш режалаштирилган.
Эмиль «Специя»га 2021 йилнинг ёзида 300 минг евро эвазига ўтган эди. Ўтган мавсумда ҳимоячи жамоа сафида 23 та ўйинда қатнашиб, битта гол ва битта голли узатмага муаллифлик қилган.
