"Барселона" бош мураббийи Хави Эрнандес ҳужумчи Ансу Фати "Реал"га ўтиши мумкинлиги ҳақидаги миш-мишларни инкор қилди. Испаниялик футболчи яқинда матбуотда "Сантяго Бернабеу"га ўтиши ҳақида хабарлар тарқалган эди.
"Фати "Реал"га ўтадими? Бу ҳазил. Ансу клубнинг меросхўри эканлигини аллақачон айтгандим. У муҳим футболчи, мен унинг қолишини истайман. Фати - "Барселона"нинг бугуни ва келажаги", - деди Хави матбуот анжуманида.
Аввалроқ, "Барселона" бошқа трансферларни молиялаштириш учун Фатини сотиб юбормоқчи эканлиги ҳақида миш-мишлар тарқалган эди. Бироқ Ансу жамоани тарк этмаслигини бир неча бор очиқ айтди.