"Бавария" бош мураббийи Томас Тухель Харри Кейннинг ўйини ҳақидаги саволга жавоб берди.
Мюнхенликлар жамоасининг янги юлдузи Бундеслигадаги дебют учрашувида гол урди ва голли узатмани амалга оширди, бу эса "Бавария"нинг биринчи турда "Вердер"ни мағлуб этишига (4:0) ёрдам берди.
“Кейн учун яхши дебютми? Бу шунчаки ажойиб эди. У олиб келадиган қиймат, машғулотларга ёндашуви - бу ақл бовар қилмас нарса. У дарҳол голли узатма берди, кейин эса гол урди. Умид қиламизки, у худди шу руҳда давом этади”, - деди Тухель ўйиндан кейинги интервьюсида.
Харри Кейн бир ҳафта олдин "Бавария"га ўтган эди. Унинг “Тоттенхэм”дан трансфери немис грандига 100 миллион еврога тушди.
