"Bavariya" bosh murabbiyi Tomas Tuxel Xarri Keynning o‘yini haqidagi savolga javob berdi.
Myunxenliklar jamoasining yangi yulduzi Bundesligadagi debyut uchrashuvida gol urdi va golli uzatmani amalga oshirdi, bu esa "Bavariya"ning birinchi turda "Verder"ni mag‘lub etishiga (4:0) yordam berdi.
“Keyn uchun yaxshi debyutmi? Bu shunchaki ajoyib edi. U olib keladigan qiymat, mashg‘ulotlarga yondashuvi - bu aql bovar qilmas narsa. U darhol golli uzatma berdi, keyin esa gol urdi. Umid qilamizki, u xuddi shu ruhda davom etadi”, - dedi Tuxel o‘yindan keyingi intervyusida.
Xarri Keyn bir hafta oldin "Bavariya"ga o‘tgan edi. Uning “Tottenxem”dan transferi nemis grandiga 100 million yevroga tushdi.
