Жароҳатлари туфайли фаолиятини муддатидан аввал якунлаган голландиялик собиқ ҳужумчи Марко ван Бастен португалиялик Криштиану Роналдунинг Саудия Арабистонидаги ўйини ҳақида фикр билдирди. Ван Бастеннинг фикрича, у янада ишончли кўриниши мумкин.
«Роналду 38 ёшда, ҳа, у фаол, тўғри. Ҳали куч бор, эҳтимол мендан ҳам кўпроқ. Аммо 38 ёшимда қандай ўйнашимни ким билади? Менимча, мен ундан ҳам яхшироқ ўйин кўрсата олардим», - деди ван Бастен.
Эслатиб ўтамиз, ван Бастен фаолияти давомида Амстердамнинг «Аякс» ва «Милан» клубларида тўп тепган ва уч марта «Олтин тўп»ни қўлга киритган.
