Марказий ҳимоячи Харри Магуайр Англия Премьер-лигасининг 2-турида Лондоннинг “Тоттенхэм” клубига қарши ўйин учун “Манчестер Юнайтед” қайдномасидан четда қолди.
Эслатиб ўтамиз, футболчида жароҳат йўқ. Унинг қайдномада йўқлиги сабаби эълон қилинмаган.
Магуайрнинг "Вест Хэм"га трансфери муваффақиятсиз якунлангани аввалроқ хабар қилинганди. Томонлар ҳимоячининг трансфери учун товон пули борасида келиша олишмади.
30 ёшли футболчи ўтган мавсумда АПЛнинг 16та ўйинида майдонга тушиб, 4та сариқ карточка олган. Унинг манкунианликлар билан шартномаси 2025 йилнинг ёзига қадар мўлжалланган.
