Ҳужумкор ярим ҳимоячи Филиппе Коутиньо ёзги трансфер ойнаси ёпилгунча Қатарга кўчиб ўтиши мумкин.
Нуфузли инсайдер Фабрицио Романонинг ижтимоий тармоқларда хабар беришича, ёзги трансфер кампаниясининг сўнгги кунларида Қатар клублари 31 ёшли Коутиньони қўлга киритиш учун фаол иш олиб боришади.
Қайд этилишича, Коутиньога Саудия Арабистони клублари ҳам қизиқиш билдирмоқда, бироқ қатарликлар бу борада фаворит ҳисобланади.
Агар яхши таклиф тушса, Коутиньонинг «Астон Вилла»дан кетиши учун яхши имконият бор.
Қўшимча қиламизки, нуфузли transfermarkt портали Филиппе Коутиньони 10 миллион еврога баҳоламоқда.
