Жуд Беллингем "Реал Мадрид" сафида 2 та ўйинда 3 та гол урди.

Бугун 20 ёшли ярим ҳимоячи Ла Лиганинг 2-турида "Альмерия" дарвозасини икки марта (3:1) ишғол қилди ва Винисиус Жуниорга голли узатма берди.

Бунгача Беллингем Испания чемпионининг 1-турида “Атлетик” дарвозасини ишғол қилганди (2:0).

Бу англияликнинг мадридликлар сафидаги расмий даражадаги илк ўйинлари - унда 4 (3+1) очко бор.

Эслатиб ўтамиз, "қаймоқранглилар" англиялик ярим ҳимоячини Дортмунднинг "Боруссия"сидан 103+31 миллион еврога сотиб олганди.