"Интер" бош директори Жузеппе Маротта "Бавария" ҳимоячиси Бенжамин Паварнинг трансфери ҳақида гапирди.
Бир неча кун аввал маълум бўлишича, "нерадзуррилар" 27 ёшли франциялик футболчи учун аллақачон таклиф билан чиқишган, бироқ рад жавобини олишган. "Бавария" уни қўйиб юбориш ниятида эмаслиги ҳақидаги хабарларга қарамай, Милан клуби футболчини сотиб олишга уринишда давом этмоқда.
"Павар келишуви ўз жойида қолмоқда. "Бавария" билан музокаралар давом этмоқда. Футболчининг хоҳиши муҳим ва у "Интер"га ўтишни хоҳлайди. Муаммо шундаки, "Бавария" унга ўринбосар топиши керак, аммо музокаралар давом этмоқда", - дейди Маротта.
