Суперлига 17-турида сафарда “Пахтакор”га мағлуб бўлган “Металлург” бош мураббийи Веско Стешевич мағлубият сабаблари, фойдаланилмаган имкониятлар ва рақибнинг вақт чўзмагани борасида фикр билдирди.

“Йигитларга ажойиб ўйин учун раҳмат айтаман. Кучли рақиб фонида ёмон ўйнамадик. Вазиятлар ярата олдик, аммо фойдалана олмадик. Биринчи тайм тугаши арафасида гол қўйиб юбориш аламли ва бу руҳиятни туширади. Шунга қарамай, бугунги ўйинимиз менда ижобий таасурот уйғотди”, - деди Стешевич.

“Убайдуллаев яхши имкониятдан унумли фойдалана олмади. Шунингдек, Абдуманнонов ва Ўринбоевда ҳам яхши вазиятлар бўлди. Жамоамнинг ҳатти-ҳаракатлари менга ёқаяпти”.

“Аҳамият қилдим, бугун рақиб ҳисобда олдинда бораётган вақтда ҳам ўйинни чўзмади. Бу ҳақиқий спортча ҳаракат ва бунинг учун уларга раҳмат”.

“Металлург” аввалги ўйинларга қараганда анча ўзгарди. Турли рақибларга қарши биз ҳам ҳар хил тарзда тайёргарлик кўрамиз. Ўринбоев сардор сифатида жамоани олдинга бошлаяпти. У майдонда яккакурашлардан қўрқмайди ва жамоасини ортида эргаштира олади” .