Мадриднинг “Реал” клуби Ла Лигада кийиниш хонаси ва захира ўриндиғи ёнига камера ва микрофон ўрнатишни рад этди, деб хабар беради The Athletic.
Манбага кўра, янги мавсумдан бошлаб лига Испания чемпионатининг 20та жамоасидан 19таси билан учрашувларни жонли эфирда чуқурроқ намойиш этиш учун камералар ўрнатишга келишиб олган. "Реал Мадрид" Ла Лига талабидан бош тортган ягона клубга айланди. Шу сабаб мадридликлар лигадан 14,2 миллион евро олмаслиги мумкин.
Қайд этилишича, “Реал Мадрид” янги мавсумдан бошлаб ўз футболчиларига ўйинлардан олдин ва кейин ОАВ билан мулоқот қилишни тақиқлаган. Футболчилар билан суҳбат фақат клуб матбуот хизмати томонидан ташкил этилади.
