«Бавария» вингери Лерой Сане «Барселона»нинг радарига тушган. Bild хабарига кўра, Каталония клуби 27 ёшли футболчини келаси ёзда сотиб олишга уриниб кўриши мумкин.
«Барселона» шу ёзда Санени ўз сафига қўшиб олмоқчи бўлди, аммо немис футболчиси бундай ҳаракатни рад этди.
Келаси ёзда футболчи 2023/2024 йилги мавсум қандай ўтишига қараб келажаги борасидаги позициясини қайта кўриб чиқиши мумкин. «Барса» вазиятни диққат билан кузатиб боради.
Айтиш жоизки, Лерой Саненинг «Бавария» билан амалдаги шартномаси 2025 йилнинг июнь ойи охиригача амал қилади.
