«Барселона» ҳужумчиси Ансу Фати ёзги трансфер ойнаси тугагунга қадар ўзининг клубини ўзгартириши мумкин.

Goal'нинг хабар беришича, 20 ёшли Фати хизматига «Арсенал» клуби қизиқиш билдирмоқда. Лондон клуби ҳатто футболчининг агенти Хорхе Мендеш билан боғланган.

Шу билан бирга, Ансу Фати «Тоттенхэм» ва «Манчестер Юнайтед»нинг ҳам қизиқиш доирасида эканлиги қайд этилган.

Умуман олганда, Ансу Фати «Барселона» асосий таркибида 110 та ўйинда майдонга тушди. Уларда ҳужумчи 29 та гол урди ва шерикларига 10 та голли узатма берди.