«Лейпциг» ярим ҳимоячиси Дани Ольмо ўз хизматларига «Манчестер Сити» қизиқаётгани ҳақидаги хабарларга изоҳ берди.
«Мен бутун эътиборимни «Лейпциг», Бундеслига, Чемпионлар лигаси ва Германия кубоги учун қаратганман.
«Манчестер Сити» - катта клуб, Йошко Гвардиол у ерга борди. Лекин мен ўз клубимда бахтлиман», - деди Ольмо.
25 ёшли испаниялик футболчи 2020 йилдан буён «Лейпциг» сафида тўп тепади. Жорий мавсумда у немис клуби сафида иккита ўйин ўтказиб, 4 та гол урди.
Ольмо Германия Суперкубогида «Бавария»га қарши ўйинда (3:0) хет-трик қайд этди.
Transfermarkt портали футболчининг нархини 40 миллион еврога баҳоламоқда.
