«Астон Вилла» «Арсенал» ҳимоячиси Нуну Таварешни сотиб олиш шарти билан бир мавсумга ижарага олмоқчи, дея хабар беради inews.
Манбага кўра, «Вилла» бош мураббийи Унаи Эмери «Севилья» ҳимоячиси Маркос Акуньяни ўз сафига қўшиб олмоқчи, бироқ бу трансфер амалга ошмай қолиши мумкин ва испаниялик мутахассис муқобил вариант сифатида 23 ёшли Таварешни кўрмоқда.
Португалиялик футболчи ўтган мавсумни ижара асосида «Марсел»да ўтказди. 2022/23 йилги мавсумда у 39 та ўйин ўтказиб, 6 та гол урган.
Унинг «Арсенал» билан шартномаси 2025 йилнинг ёзига қадар мўлжалланган. Футболчининг нархи 18 миллион еврога баҳоланмоқда.
