Тожикистон терма жамоаси матбуот котиби Фаридун Салиев миллий терма жамоа 2023 йилда Россия терма жамоаси билан ўртоқлик ўйини ўтказа олмаслигини, аммо келаси кузда буни амалга ошириши мумкинлигини айтди.
“Бу йил Россия термаси билан ўйин ташкил эта олмаймиз. Ҳамма кунларимиз банд.
Биз дўстона учрашув учун РФУ таклифини кўриб чиқишга тайёрмиз, лекин фақат кейинги йилнинг кузида. Ҳозирча Тожикистон терма жамоасининг тақвими 2024 йилнинг июнигача тўлган”, — деди Салиев.
Россия терма жамоаси халқаро турнирлардаги иштирокидан четлаштирилгач, Қирғизистон (2:1), Тожикистон (0:0), Ўзбекистон (0:0), Эрон (1:1) терма жамоаларга қарши ўртоқлик учрашувлари ўтказди.
