Осиё Чемпионлар лигаси, плей-офф саралаш босқичида ОКМК Доҳада Қатарнинг "Ал Арабий" жамоаси меҳмони бўлади.

"Ал Арабий" жамоаси 1952 йилда ташкил топган. Жамоа 7 карра Қатар чемпиони, 9 карра Қатар кубоги, 6 карра мамлакат суперкубоги ва Қатар лига кубоги соҳиби ҳисобланади.

Жамоа ўтган мавсум Қатар юлдузлар лигасида ОЧЛ плей-офф босқичига йўлланма берувчи 2-ўринни эгаллаган. Яқинда бошланган мавсумда эса бўлажак рақибимиз, чемпионат 1-тури доирасида "Ал Шамал"га қарши учрашувда дуранг (1:1) қайд этди.

Ҳозирда "Ал Арабий" жамоасини маҳаллий мураббий Юнус Али бошқаради. Таркибда Рафинья Алкантарас, Абду Диалла, Арон Гуннарссон ва Умар Ал Сома сингари таниқли футболчилар тўп тепади.

"Ал Арабий" — ОКМК учрашуви 22 август куни Доҳадаги "Ал Тумама" стадионида маҳаллий соат билан 20:30да, Тошкент вақти билан эса 22:30да старт олади.