«Ал-Аҳли» клуби «Атлетико» ярим ҳимоячиси Родриго де Пауль трансферини якунламоқчи, дея хабар беради инсайдер Фабрицио Романо.
Унга кўра, Саудия клуби Мадридга 32 миллион евро таклиф қилган. Клублар ўртасидаги музокаралар давом этмоқда.
«Ал-Аҳли» аввалроқ «Наполи» ярим ҳимоячиси Пиотр Зелиньски трансферини расмийлаштира олмаганди.
Де Паулнинг «Атлетико» билан шартномаси 2026 йилнинг ёзига қадар амал қилади. 29 ёшли аргентиналик футболчи ўтган мавсумда клуб сафида 38 та ўйинда майдонга тушиб, 3 та гол урди ва 8 та голли узатмани амалга оширди.
