"Ноттингем Форест" "Бенфика" ҳимоячиси Моратони ўз сафига қўшиб олмоқчи.
Record нашри хабарига кўра, “Ўрмончилар” бошлиқлари Бразилия терма жамоаси футболчиси (23 ёшгача) учун 30 миллион евро таклиф қилишган, бироқ лиссабонликлар ўз футболчисини сотишдан бош тортишган. Маълум бўлишича, Моратога бразилиялик учун таклиф билан чиқмаган Франциянинг "Ренн" клуби ҳам қизиқмоқда. Аввалроқ, "Бенфика" ҳимоячини бошқа инглиз клубига, яъни "Фулхэм"га 25 миллион евро эвазига сотишдан бош тортганди.
Эслатиб ўтамиз, Моратонинг "бургутлар" билан амалдаги шартномаси 2027 йилга қадар амал қилади ва футболчининг шартномасидаги товон пули 100 миллион еврони ташкил қилади. Transfermarkt портали 22 ёшли бразилиялик ҳимоячининг нархини 13 миллион еврога баҳоламоқда.
