“Ювентус” ярим ҳимоячиси Поль Погба сентьябрга белгиланган навбатдаги халқаро танаффус учун Франция терма жамоасига чақирилади. La Stampa хабарига кўра, "уч ранглилар" бош мураббийи Дидье Дешам Погбани терма жамоага чақиришга тайёр, аммо франциялик футболчининг ўйин вақти кескин чекланган бўлади.
Гап шундаки, ўтган мавсумда Поль бир вақтнинг ўзида бир нечта жароҳатлар олган, шу туфайли у А Серия ўйинида асосий таркибда майдонга тушмаган. Шунингдек, ярим ҳимоячи Франция сафида Қатардаги жаҳон чемпионатини ҳам ўтказиб юборишга мажбур бўлганди.
Эслатиб ўтамиз, Погба бир йил аввал "Манчестер Юнайтед"дан текинга "Ювентус"га қайтган эди.
