Лондоннинг "Арсенал" клуби ярим ҳимоячиси Деклан Райс Англия Премьер-лигасининг 2-тур учрашувида "Кристал Пэлас" устидан қозонилган ғалаба ҳақида фикрлари билан ўртоқлашди. 67-дақиқадан бошлаб "канонирлар" Такехиро Томиясу четлатилганидан кейин озчилик бўлиб ўйнади.
"Охирги 20 дақиқада озчиликда бўлганимизда қийин бўлди. Лекин характер кўрсатиб, муҳим уч очкони қўлга киритдик. Мавсум якунида турнир жадвалида биринчи ўринда қолишни истасак, бу жуда муҳим. "Арсенал" бир киши кам қолгунга қадар тўлиқ устунлик қилди, аммо ўн киши бўлса ҳам биз боримизни бериб, ғалаба қозондик", - деди Деклан Sky Sports билан суҳбатда.
"Канонирлар" 1:0 ҳисобида ғалаба қозонишди. Ягона голни Мартин Эдегор пенальтидан киритди.
