"ПСЖ"нинг собиқ футболчиси Луис Фернандес парижликлар ҳужумчиси Килиан Мбаппенинг "Реал"га ўтиши мумкинлиги ҳақида фикр билдирди.
"Килиан у ерга боришни хоҳлайди. "Реал Мадрид" ҳар доим унинг орзуси бўлган. Бизга маълумки, у болалигидан Мадридга мухлислик қилган", - дейди Фернандес.
Аввалроқ, 24 ёшли Мбаппе "ПСЖ" билан шартномани узайтиришни режалаштираётгани ҳақида хабар берилганди. Қайд этилишича, томонлар аллақачон музокаралар олиб боришган ва битим тузишга яқин турибди.
Мбаппе жорий мавсумда жамоаси сафида битта ўйинда майдонга тушиб, битта гол урди ва битта голли узатмани амалга оширди.
