"Ливорно"нинг собиқ президенти ва "Ювентус" бош мураббийи Массимилиано Аллегрининг дўсти Алдо Спинеллининг айтишича, 56 ёшли мутахассис 2024 йилда туринликлар жамоасидаги вазифасини тарк этади.
"Аллегрига трансферлар керак ва бу мавсум охирида у Саудия Арабистонига, Америкага ёки керакли жойга боради. Макс шу ёзда таклифлар олди, лекин ҳар доим қолишни ва ўз қадр-қимматини исботлашни хоҳларди.
Футболда ишлар мураккаблашди, Яқин Шарқ клублари таклиф қилаётган суммаларни такрорлаб бўлмайди. Фақат британияликлар рақобатлаша олади", - дея Спинелли сўзларини келтирган TuttoJuve.
