Бугун Россия футбол иттифоқининг Тартиб-интизом қўмитаси йиғилиши бўлиб ўтди ва унда Премьер-лиганинг 16-туридан ўрин олган "Динамо" ва "Зенит" жамоалари ўртасидаги якунига етмай қолган баҳс юзасидан қарор қабул қилинди.

Унга кўра, ушбу ўйинда "Зенит"га 0:3 ҳисобидаги техник мағлубият ёзилди ва петербургликлар ўзининг 2та уй учрашувини мухлисларсиз ўтказадиган бўлди. Шунингдек, "Динамо" клуби ҳам "Химки Арена" стадионида хавфсизликни таъминлай олмагани учун битта ўйинни бўш трибуналар қаршисида ўтказади. Бундан ташқари ҳар иккала клуби жаримага тортилишди: "Зенит" 1,1 млн. рубль, "Динамо" эса 580 минг рубль миқдорида.

Эслатиб ўтамиз, Россия чемпионати 16-туридан ўрин олган "Динамо"-"Зенит" клублари ўртасидаги баҳснинг 37-дақиқасида меҳмонлар фан-клуб секторидан портловчи модда (петарда) отилган ва у "Динамо" клуби дарвозабони Антон Шуниннинг бошига келиб тушган. Даврозабон вақтинчалик эшитиш ва кўритиш қобилиятини йўқотган. Учрашув ҳаками эса ўша дақиқада ўйинни тўхтатганди.