Мадриднинг “Реал” клуби “Челси” сардори Рис Жеймсни ўз сафига қўшиб олмоқчи. Инсайдер Родранинг сўзларига кўра, “қироллик клуби” ўнг қанот ҳимоячисини "аристократлар"дан келаси ёзда сотиб олмоқчи.
Манба берган хабарга кўра, Жеймс сўнгги мавсумлардаги ўйинлари билан "Реал" скаутларини ҳайратда қолдирган. "Қироллик клуби" келаси ёзда ёш англияликни сотиб олиш мақсадга мувофиқ бўлади, деб ҳисобламоқда. Бу вақтга келиб "Реал Мадрид"нинг асосий ўнг қанот ҳимоячиси Дани Карвахаль 32 ёшга тўлади.
Эслатиб ўтамиз, Жеймс сўнгги икки йил ичида тез-тез жароҳатлардан азият чекмоқда. Рис ҳозирда яна жароҳатини даволамоқда. Футболчи тахминан бир ойни ўтказиб юбориши кутилмоқда.
