Берлиннинг “Унион” клуби Туриннинг “Ювентус” клубининг 36 ёшли марказий ҳимоячиси Леонардо Бонуччи трансфери учун курашни давом эттирмоқда. Олдинроқ “кекса синьора” келишувга рухсат берганди, бироқ италияликнинг ўзи ҳамон таклифни қабул қилиб, Берлинга кўчиб ўтишга шубҳа қилмоқда.
La Stampa хабарига кўра, "Унион" ҳафта охиригача футболчидан жавоб кутади. Агар Бонуччи қарорни кечиктирса, Берлин жамоаси марказий ҳимоячи хизматидан бош тортади.
Эслатиб ўтамиз, "Ювентус" аввалроқ Бонуччи жамоага керак эмаслигини маълум қилганди. “Кекса синьора” сардори шартномаси тугашига бир йил қолганига қарамай, жамоани тарк этишга мажбур.
