"Реал"нинг собиқ бош мураббийи Зинедин Зидан "Қироллик клуби" раҳбарияти билан яхши муносабатда. Журналист Родранинг хабарига кўра, франциялик мутахассис келажакда ҳамон "қаймоқранглилар" устози лавозимига қайтиши мумкин.
Манбанинг таъкидлашича, франциялик мутахассис 2020/21 йилги мавсум охирида жамоани тарк этганига қарамай, Зидан "Реал" президенти Флорентино Перес билан илиқ муносабатда.
Эслатиб ўтамиз, "Реал"нинг амалдаги бош мураббийи Карло Анчелотти билан шартномаси мавсум охирида якунига етади. Зидан италияликнинг ўрнини эгаллаши мумкин, аммо "Реал"да клубнинг бошқа собиқ футболчиси, ҳозирда "Байер"ни бошқараётган Хаби Алонсо варианти ҳам бор.
