«Манчестер Юнайтед» «Ницца» марказий ҳимоячиси Жан-Клер Тодибони сотиб олишга жуда яқин турибди.
Франциянинг L’Equipe нашри хабарига кўра, 23 ёшли футболчининг «қизил иблислар» сафига ўтиш эҳтимоли катта.
Аввалроқ, «Манчестер Юнайтед» Харри Магуайрни сотмаса, янги марказий ҳимоячи сотиб олмаслиги ҳақида хабар берилганди.
Бироқ манбанинг таъкидлашича, Тодибо англияликнинг келажаги қандай бўлишидан қатъи назар, Эрик тен Хаг жамоасига ўтади.
Эслатиб ўтамиз, Жал-Клер ўз вақтида «Барселона»да ўйнаган, бироқ ўйин амалиёти камлиги туфайли жамоани тарк этганди.
