Ярим ҳимоячи Мойсес Кайседо "Челси"да ўзининг дебютини яхши ўтказмади. "Вест Хэм"га қарши дербида захирадан майдонга тушган эквадорлик футболчи кўп хатоларга йўл қўйди. Бу ҳақда "кўклар"нинг собиқ футболчиси Марсель Десайи изоҳ берди.
"Кайседога айтиш шарт эмас. У ҳозир катта клубда эканлигини тушуниб, фикрлашини тўғрилагани маъқул. Катта клубда эса ҳар бир учрашувга анча яхши тайёргарлик кўриш керак. У унга сарфланган 100 миллион фунт стерлинг ҳақида ўйлаши ва ўз ишига содиқ қолиши керак", - деди Десайи Sky Sports нашрига.
"Челси"нинг навбатдаги ўйини 25 август, жума куни "Лутон Таун"га қарши бўлади.
