Ноқулай молиявий вазиятни инобатга олган ҳолда, "Барселона" ёзги трансфер ойнаси ёпилгунга қадар ҳужумчи Ансу Фати билан хайрлашмоқчи.
Бироқ 20 ёшли футболчининг ўзи ҳам “Камп Ноу”да қолиб, асосий таркибдан жой олиш учун курашишга аҳд қилган. Натижада вазият тўхтаб қолди.
Испаниянинг Sport нашри хабарига кўра, "Барселона" Фатининг агенти - Жорже Мендеш билан музокара ўтказмоқчи. Томонлар футболчининг ҳозирги вазиятдаги келажагини муҳокама қилишади.
Аввалроқ Ансу Фатига Англия Премьер-лигаси клублари қизиқиш билдираётгани ҳақида хабар берилганди. Тransfermarkt портали футболчини 35 миллион еврога баҳоламоқда.













